June 21, 2018

TCSA Shillong Annual Sports 2017

Tedim Chin Students’ Association, Shillong Unit in Annual Sports 2017 nuamtak kizoA 7 veina Tedim Chin Students’ Association, Shillong Unit Annual Sports October 28, 2017 ni in Motinagar tualpi ah nuamtak kinei thei hi. Hih vai tawh kisai khempeuh pen Sports & Cultural Department, TCSA (S) makaite in kizentak in hong sai uh hi. 


Zingsang nai 11 kimlak in sports honna hun manpha kizang thei hi. Sports & Cultural department te in hih hun hong makaih in, Pastor M.Khupkhenmang, Local Pastor, Shillong CBA in Football Jersey Pasian tungah apna hong neihkhit ciang in, Chief Guest Tg.Thang Za Mawi (PO, Indian Overseas Bank), introduce na kinei hi. Pastor pa in Sports honna hong neih khit ciangin, kitaitehna tuamtuamte kipan to pah hi. Kitaitehna tuamtuamte:

​I) Be (channa) tang top

​II) Throw Ball

​III) 3 legged Race

​IV) Volley Ball (Lia, Tang, Tuun & Zua)

V) Football (Lia & Tang leh Tuun & Zua)

Khangnote Red Bull group leh Blue Whale group in kikhen a, Tuun leh Zua group zong om hi. Kitaitehna tuamtuamte man khitciang in Chief Guest in thamante hong hawmkhiat sak hi. Chief Guest in a minam a itna hang in sum leh pai tampi tak tawh TCSA (S) phungvuh hi. Hunkhakna Pastor mah in hong neihkhit ciang in nuamsa lai pipi mah in mipite in innlam kizuan ciat hi.

 

Ciapteh tuak pawlkhat:

1. TCSA (S) in Football Jersey Set 2(Blue & Red) a neih masak kum ahi hi. Hih Jersey te pen Tg.Dr.Zam Lian Mang Hatzaw leh Lia Lynda Don Khancing te in hong sik uh ahi hi.

2. Banner Tg.Thang Sian Mung in hong sik hi. Hih banner kilawmtak pen a khonkhong a Tedimchin.in tanupi in hong design sak ahi hi.

3. Sports ah Nu leh Pa, naupangte zong hong kihel thei uh ahihmanin amaute hangin khangnote kikhamuang tuam in tha kingah mahmah hi.

Be the first to comment

Leave a Reply

Your email address will not be published.


*